د کرنې وزارت لهخوا د کندهار ښاروالۍ ته ځمکه ولېږدول شوه
۱۱ کب ۱۴۰۴ه.ش
۱۳ رَمَضانُ المُبارَک ۱۴۴۷ه.ق
د ا.ا.ا د زعیم عاليقدر امیرالمؤمنین حفظهالله تعالی ورعاه د حکم له مخې، د کرنې، اوبو لګولو او مالدارۍ وزارت د اراضۍ ریاست له لوري او د کندهار کرنې، اوبو لګولو او مالدارۍ ریاست په تخنیکي همکارۍ، د کندهار په لوړ میوند ولسوالی کې ۴۸.۹۴ جریبه امارتي ځمکه د کندهار ښاروالۍ ته د عامه چوپړتیاوو چمتو کولو په موخه رسماً ولېږدول شوه.
د کندهار دکرنې ریاست د ځمکو د انتقال او وېش مدیر قاري عصمتالله فرهاد وایي، چې یاده ځمکه د ټولو قانوني او اداري مراحلو له بشپړېدو وروسته، د ګډ پلاوي په حضور کې د کندهار ښاروالۍ ته وسپارل شوه. د نوموړی په وینا، د انتقال شوې ځمکي څخه به د ښاروالۍ ریاست له لوري د سوداګرۍ او عامه چوپړتیاوو لپاره کار واخیستل شي.
د یادونې وړ ده، چې درې اوونې وړاندې هم د عاليقدر امیرالمؤمنین حفظهالله تعالی په ځانګړي حکم، د کندهار په تخته پل ولسوالی کې دوه جریبه امارتي ځمکه د کندهار پوهني ریاست ته د یوي دیني مدرسې جوړولو په موخه لېږدول شوې وه.
