د هلمند سنګین کې بڼوالو ته د ژمي د یوریا سپرې په اړه روزنیز پروګرام ترسره شو
۲۹ لیندۍ ۱۴۰۴ هـ.ش
۲۹ جُمَادَى الثاني ۱۴۴۷ هـ.ق
د هلمند ولایت د کرنې، اوبو لګولو او مالدارۍ ریاست د بوټو ساتنې او قرنطین لوی مدیریت له لوري په سنګین ولسوالی کې د ژمي په موسم کې د یوریا سپرې د سم تطبیق په موخه یو هر اړخیز عملي او نظري روزنیز پروګرام ترسره شو، چې موخه یې د بڼوالو د مسلکي پوهې لوړول او د حاصلاتو زیاتوالی و.
یاد روزنیز پروګرام د هلمند د کرنې ریاست د کرنیزو چارو آمریت اړوند د بوټو ساتنې او قرنطین لوی مدیریت کارکوونکو له لوري، د سنګین ولسوالی د کرنې مسوول فضلي په همکارۍ، د لوی باغ په ساحه کې عملي شو. په دې پروګرام کې بڼوالو ته د ژمي په موسم کې د یوریا سپرې د استعمال ګټې، مناسب وخت، سمه طریقه او اغېزې په تفصیل سره تشریح شوې او په عملي ډول ورته وښودل شوې.
همداراز، ګډونوالو ته د بڼ د ساتنې، د ونو د قوي ودې، د نباتي ناروغیو د مخنیوي او د حاصلاتو د لوړولو په برخه کې مهم تخنیکي معلومات وړاندې شول، تر څو د کرنې په چارو کې د بڼوالو عملي پوهه نوره هم پیاوړې او د باغدارۍ تولیدات معیاري شي.
