د کابل بګرامي کې بڼوالو لپاره د لایم سلفر ترکيبي دوا تطبیق او عامه پوهاوی پیل شو
د کابل ولایت د کرنې، اوبولګولو او مالدارۍ ریاست د بوټو ساتنې عمومي مدیریت تخنیکي ټیم، د کرنې وزارت په منظورۍ، د دې ولایت د بګرامي ولسوالی لپاره د لایم سلفر ترکيبي درمل تطبیق او عامه پوهاوی عملاً پیل کړ.
دغه پروګرام د کابل ولایت د بګرامي په ولسوالی کې پلي کېږي، چې پکې سلګونو بڼوالو ته د یاد تخنیکي ټیم له لوري د لایم سلفر ترکيبي درمل د جوړولو طریقه، د کارونې مناسب وخت، ګټې او زیانونه، د آفتونو او ناروغیو د کنټرول لارې چارې توضیح شوې او همداراز، یاده ترکيبي درمل مېوه لرونکو و زینتي ګلونو کې کارول کېږي.
ددې ترڅنګ د یاد تخنیکي ټیم له خوا په دې ولسوالی کې ۱۴۰۰ مېوه لرونکې نیالګي هم ښاخه بري شوي دي.
بڼوالو په دې پروګرام کې په ډېرې علاقې ګډون کړی و او د کرنې ریاست څخه یې د ورته نورو پروګرامونو د دوام غوښتنه وکړه.
