پکتیکا کې د چهارمغزو ځنګلونو د بیارغونې په پار هڅې؛ د چهارمغزو زرګونه نیالګي اېښودل کېږي

۱۹ کب ۱۴۰۳ه‍.ش
۹ رَمَضانُ المُبارَک ۱۴۴۶ه‍.ق
دپکتیا دکرنې، اوبولګولو او مالدارۍ ریاست د کرنې وزارت د پلان پر اساس ددې ولایت د چهاباران او سروضه، ګیان، نګه او زېړوک ولسوالیو کې د  چهارمغزو وځنګلونو د بيا رغونې په موخه په يادو ولسواليو کې د چهارمغزو د نږدې شپږ زره نیالګیو اېښودلو چارې پیل کړي دي.
د پکتیکا دکرنې ریاست د چارواکو په خبره ددغو ځنګلونو د جوړولو په پار ددې ریاست اړوند تخنیکي ټیم یادو ولسوالیو ته د سفر په ترڅ کې د سیمې خلکو او بزګرانو سره په لیدنه کې د چهارمغزو ځنګلونو پر اهمیت خبرې وکړې او بزګرانو ته د چهارمغزو ځنګلونو جوړوول په پار عملي روزنه ورکړل او ترڅنګ یې د چهاباران او سروضې په ولسوالیو کې د چهارمغزو ۲۱۹۰ نیالګي کښېنول. 
د چارواکو په خبره ددې پروګرام په لړ کې به په پاتې نورو ولسوالیو کې هم د چهارمغزو ۳۸۱۰ نیالګي کښېنول شي، چې موخه یې د چهارمغزو ځنګلونو پراختیا ته زمینه برابرول دي.
ددغو نیالګیو د اېښو موخه د سیمې زروغنتیا او سمسورتیا ته زمنیه برابرول، د چاپېریال او هوا د ککړتیا کچه ټیټول او په ټوله کې د چهارمغزو حاصلاتو زیاتول دي.