پکتیکا ولایت کې ضبط شوو لرګیو څخه، د کرنې اوبو لګولو او مالدارۍ رییس لیدنه
۱۸ لېندۍ ۱۴۰۳ه.ش
۷ جُمَادَى الثاني۱۴۴۶ه.ق
د پکتیکا د کرنې، اوبو لګولو او مالدارۍ رییس مولوي محمدزمان عمري او د کمېټې غړو د امارتي ځواکونو لهخوا ضبط شوو لرګيو څخه ليدنه وکړه.
ددې لیدنې په ترڅ کې یادو چارواکو د انتقال پروسې څخه له نږدې څآرنه وکړه، چې یاده پروسه په منظم شکل روانه ده او نږدې ورځو کې به ټول ضبط شوي لرګي مرکز کابل ته انتقال شي.
دا ليدنه د دې لپاره ترسره شوه چې د اسلامي امارت د فرمان د تطبيق له بهير څخه، چې د ځنګلي لرګيو راټولولو او ضبط او د قاچاق د مخنيوي په اړه دی، څارنه وشي.
د پکتیکا د اوبو لګولو او مالدارۍ ریاست رییس په دې ليدنه کې د ملي سرمايې په توګه د ځنګلونو د ساتنې پر اهمیت ټينګار وکړ او د دې برنامې د تطبيق په برخه کې یې د سيمهييزو ځواکونو هڅې وستايلې.
د ځنګلونو د پرېکولو مخنیوی د اسلامي امارت د هغو جدي اقداماتو يوه برخه ده، چې د طبيعي سرچینو د ساتنې او په هېواد کې د ځنګلونو له منځه تلو د مخنيوي لپاره ترسره کېږي.
