د هلمند ولایت د کرنې رییس د صنعتي محصولاتو نندارتون کې ګډون وکړ
۲ لړم ۱۴۰۳ه.ش
۲۰ رَبِیعُ الْثاني ۱۴۴۶ه.ق
د هلمند ولایت مرکز لښکرګاه کې د کرنیزو، سوداګریزو او صنعتي محصولاتو درې ورځنی څېړنیز نندارتون د بست خصوصي پوهنتون له لوري او د کرنې، اوبولګولو او مالدارۍ ریاست په هڅو پرانیستل شو.
د هلمند ولایت د کرنې، اوبولګولو او مالدارۍ رییس، مولوي نیازمحمد (وهاج) د نندارتون په پرانیستنې کې ګډون وکړ. په دې لیدنه کې، هغه د وطني تولیداتو پر ارزښت خبرې وکړې او د شرکتونو مسوولینو ته یې وویل: چې باید د بزګرانو باکیفیته محصولات ورڅخه رانیسي او پروسیس یې کړي.
مولوی نیازمحمد زیاته کړه، چې دا نندارتون د وطني تولیداتو د بازار موندنې لپاره خورا مهم دی. هغه له پانګوالو غوښتنه وکړه، چې د وطني محصولاتو د پروسس لپاره فابریکې جوړې کړي او د خصوصي شرکتونو مسولینو ته یې د هر ډول همکارۍ ډاډ ورکړ.
