کونړ کې د لمریزې برېښنا په مرسته د اوبولګولو سیستمونو فعالولو لومړنۍ سروي پېلېږي
د افغانستان د بيا رغونې او د ښځو د تعليم ادارې (ارو) مؤسسې مسولینو د کونړ د کرنې، اوبولګولو او مالدارۍ رییس سره دلمریزي برېښنا په مرسته د اوبولګولو سیستمونو فعالولو په موخه د همغږۍ ناسته ترسره کړه.
د پروژې مسؤل وویل، چې دوی ددې ولایت په اتو ولسوالیو کې د لمریزې برېښنا په مرسته د اوبولګولو سیستمونو فعالولو په پار لومړنۍ سروي ترسره کوي.
هغه زیاته کړه په یادو ولسوالیو کې د ځمکو کچه،اوبو اړتیا، د لمریزې برېښنا لپاره د ځمکي ژمن لیک اخیستلو، د ځمکي فصلونو معلومولو، لمریزې برېښنا ترویجولو او عامه پوهاوی ترسره کولو په موخه سروی ترسره کوي.
د اوبو دبېړنۍ مرستو پروژه په هغو سیمو کې تطبیق کېږي، چې دسیندیزې حوزې څخه په لوړه ارتفاع کې پرتې وې.
د کونړ د کرنې،اوبولګولو او مالدارۍ رییس د پروژې مسولینو ته د لازمو سپارښتنو ترڅنګ د هر راز همکارۍ ډاډ ورکړ.
