خوست کې د اوبولګولو د یوې پروژې رغنیزې چارې پیل شوې

١ تله ۱۴۰۲ه‍.ش
٨ ربیع‌الاول ۱۴۴۵ه‍.ق
د خوست د کرنې،  اوبولګولو او مالدارۍ ریاست د اړيکو دفتر په مالي او د ټولنيزې پراختيا او پايښت لرونکي معشيت پروګرام په تخنیکي همکارۍ ددې ولایت د صبريو ولسوالۍ دسوري پاڼ کانال رغنیزې چارې پیل کړي دي.
 د خوست دکرنې، اوبولګولو او مالدارۍ ریاست چارواکي وویل، چې دصبريو ولسوالۍ اړوند دسوري پاڼ سیمې کانال د جوړېدو چارې پیل شوي، چې په دې پروژه کې د ١٢٥٠ متره په اوږدوالي، ٨٠ متره سور او ٦٠ سانتي متره په جګوالی کانال، ٥ پلچکونه، ٣٠ ورخونه او درې واړه پلچکونه شمال دي.
د خوست دکرنې رییس په خبره ددې پروژې په بشپړېدو سره به ٣٤٤٠  جریبه کرنیزه  ځمکه  خړوبه او زرګونو ځایې خلکو ته به د کار زمینه هم برابره شي.
ددې کانال په رغنیزو چارو کې ٩٥٥ ماهر او ٣٣٦٣ غیر ماهرو کسانو  ته د کار زمینه برابره شوي؛ چی د ٤٣١٨  کاري ورځو په موده کې به دکانال چارې بشپړې شي.  
په همدې حال کې د سیمې اوسیدونکو د یاد کانال په جوړیدو خوښي وښوده او دخوست کرنې، اوبولګولو او مالدارۍ ریاست او پروژی له مسولینو څخه مننه وکړه.