د بې وزله کورنیو ملاتړ په پار هڅې؛ لغمان کې ۳۵ بېوزله او اړمنو کورنیو ته وزې ورکړل شوې
۳۰ وږي ۱۴۰۲ه.ش
۶ ربیعالاول ۱۴۴۵ه.ق
د لغمان د کرنې، اوبولګولو او مالدارۍ ریاست په هڅو د لغمان په علینګار ولسوالی کې د « ډاکار مؤسسې» په همکارۍ ۳۵ تنو هغه مېرمنو ته چې د کورنۍ د نفقې مسولیت ور تر غاړي دي د دوی د اقتصادي پیاوړتیا په پار دوی ته وزې ورکړل شوې.
دلغمان دکرنې، اوبولګولو او مالدارۍ ریاست چارواکي وویل، چې هرې ګټي اخیستونکې ته به دوه وزې او څلور واړه بچې ( سېرلې) ، ۵۰ کیلو کنجاړه، ۵۰ کیلو د غنمو سبوس ورکړل شوي دي
د وزو د ورکړي موخه دا ده ترڅو په کور دننه بېوزله کورنیو ته د کار زمینې برابر او کورنۍ پر ځان بسیا شي.
بلخوا د افغانستان لپاره دهالنډ کمېټې په همکارۍ د لغمان ولایت د مرکز مهترلام اړوند ګراهو او کله کوټ کلیو کې ۲۸ مالدارانو سره د څارویو د خوراکي توکو مرستې هم شوي دي.
ددغو مرستو موخه په دې ولایت کې د بېوزله او کونډو مېرمنو اقتصادي ودې ته په کور دننه زمینه برابرول دي او د مالدارۍ سکټور پراختیا ده.
