لغمان کې د ځمکې غصب او غصب شويو ځمکو بېرته راکرځولو کمېټې غونډه دائره شوه
۴ زمری ۱۴۰۲ه.ش
۹ مُحَرَّمُ الحَرام ۱۴۴۵ه.ق
لغمان کې د ځمکې غصب او غصب شويو ځمکو بېرته راکرځولو کمېټې غړو د لغمان دکرنې رييس مولوی محمد ولي محسن په مشرۍ د لغمان د ولایت مقام په میلمستون کې خپله غونډه دائره کړه.
د غونډې په پيل کې د لغمان دکرنې رييس او د کمېټې مشر مولوي محمدولي محسن لارښوونکې وینا ویلو ترڅنګ د تېرې غونډی دپریکړو دتطبیق ارزونه وکړه.
په دې غونډه کې د علي شنګ ولسوالی دشمکت کلي اوسیدونکی مدعي عبدالجبار ولد عبدالخلیل د(۲)جریبه ځمکې دوسیه چه دلغمان ولایت دابتدایه محکمې له خوا د(۴۳۳پر۲۶۴)نیته ۱/ ۷/ ۱۴۴۴کنه لیک په اساس دتخنیکي پلاوي په عنوان صادر شوی وه تر بحث لاندې ونیول شوه.
په دې غونډه کې پر یوشمېر نورو مهمو موضوعاتو هم تر خبرو اترو وروسته مهمې پرېکړې وشوې.
باید وویل شي، چې د لغمان ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
