د میدان وردګو ولایت سېلاب ځپلو سره د مرستې په پار ټینګار

د میدان وردګو ولایت دکرنې، اوبولګولو او مالدارۍ ریاست وایي، چې ددې ولایت د جلریز ولسوالی په یوشمېر کلیو کې سېلابونو بزګرانو ته ګڼ مالي او ځاني زیانونه اړولي دي.
د چارواکو په خبره د جلریز په ولسوالی کې سېلابونه د خلکو ډېر کرنیزې ځمکې او بڼونه له منځه وړي او ډېر ځاني او مالي زیانونه یې خلکو ته اړولي دي.
په ورته وخت کې د ننګرهار د جلریز ولسوالی کې ۳۰ تنه ژوند بایللي او ۴۰ نور بې درګه شوي دي
د میدان وردګو ولایت دکرنې ریاست دکرنې او مالدارۍ په برخه کې د فعالو مؤسسو له مسوولینو غوښتنه کړې، چې ددې ولایت له سېلاب ځپلو سره دې بېړنۍ مرستې وکړي.
په دې وروستیو کې د هېواد په یوشمېر ولایتونو کې سېلابونه د مالي او ځاني زیانونو لامل شوي دي. د ا.ا.ا امارت په ځانګړې توګه دکرنې، اوبولګولو او مالدارۍ وزارت هلې ځلې کوي، چې د سېلابونو د زیانونه مخنیوي ترڅنګ له سېلاب ځپلو سره بېړنۍ اړینې مرستې وکړي، ترڅو د ناورین مخنیوی ووشي.