هلمند کې د ځمکو د غصب مخنیوي تخنیکي کمېټې غونډه دائره شوه
۲زمری ۱۴۰۲ه.ش
۷ مُحَرَّمُ الحَرام ۱۴۴۵ه.ق
د هلمند ولایت د ځمکو د غصب مخنيوي او غصب شویو ځمکو د تثبیت تخنیکي پلاوی نوبتي غونډه ترسره شوه، چي پکې د یادې کمېټې رییس الحاج مولوي نظر محمد صدیقي تر څنګ د یاد پلاوی نورو غړو هم حضور درلود.
ددې غونډې په ترڅ کې د غونډې ګډوانوالو د ٢ املاکي دوسیو ترتیب شوي راپورونه تحلیل او مطالعه کړل، چې له دې ډلې دواړه راپورونه تر لازمو اصلاحاتو وروسته تائید او لاسلیک شول.
ورپسې د لښکرګاه ښار اړوند ولي کرم (پی آر ټي) سیمه کې د ٤٠ جریبه، مرکز لښکرګاه کې د سمیټې سیمې، ګرمسیر ولسوالی کې د کرنې لیسې اړوند ٤٠ جریبه غصب شوې ځمکې، ګرشک ولسوالی کې د ګاز او نفتو ادارې اړوند غصب شوې ځمکې، د کوفکې سیمه کې د غصب شوې ځمکې، سنګین ولسوالئ د عیدګاه اړوند ځمکې موضوعات په هر اړخیزه توګه وڅېړل شول او په اړه یې لازم اجرائت ترسره شول.
همدارنګه د تخنیکي پلاوی څو تنه غړي د بولان پله ته څېرمه د امارتي ځمکې د غصب او هلته د نوو ابادیو مخنیوی په موخه سیمې ته پلاوی ولیږل شو.
وروسته د هلمند ولایت د بېلابېلو ادارو له لوري تخنیکي پلاوی ته پر راجع شویو املاکي عرایضو بحث او خبري وشوې، د یادو موضوعاتو د څېړنو او ارزونو په برخه کي هم لازم اجرائت ترسره شول .
وروستیو کي تخنیکي پلاوی د څو تنو مراجعینو املاکي ستونزې په مخامخ ډول واورېدې هغوی ته یې د اصولو له مخي د قانوني کړنو ډاډ ورکړ.
