بغلان کې پر ۵۷۱ مالدارانو د څارویو د خوراکي توکو وېش لړۍ پیل شوی
۲۷ چنګاښ ۱۴۰۲ه.ش
۱ مُحَرَّمُ الحَرام ۱۴۴۵ه.ق
د بغلان دکرنې، اوبولګولو او مالدارۍ ریاست د افغانستان لپاره د هالنډ کمېټې په تخنیکي همکارۍ ددې ولایت د پلخمري، د بورکي، خنجان، جلګی، بنو، ده صلاح او پل حصار ولسوالیو پر ۵۷۱ مالدارانو د څارویو د خوراکي توکو وېش لرۍ د پلخمري له ولسوالی څخه پیل کړی دی.
د چارواکو په خبره ددې پروګرام په ترڅ کې هر مالدار ته د څارویو ۱۰۰ کیلوګرامه خوراکي توکي ورکول کېږي.
ددې مرستې موخه د بېوزله مالدارانو لاسنیوی او په ټوله کې په دې ولایت کې د مالدارۍ سکټور ودې او پراختیا زمینه برابرول دي.
