د ننګرهار حصارک کې یوشمېر کروندګر وروزل شول
۱۷ چنګاښ ۱۴۰۲ه.ش
۲۰ ذیالحِجّة ۱۴۴۴ ه.ق
د ننګرهار ولایت د کرنې، اوبولګولو او مالدارۍ ریاست وایي، چې ددې ولايت د حصارک ولسوالی یوشمېر
کروندګرو ته یې د الوګانو حاصل ټولولو او بسته بندۍ برخه کې روزنه ورکړی دی.
د ننګرهار ولایت حصارک ولسوالی یو د هغو لرو پرتو ولسوالیو څخه شمېرل کېږي، چې په تېرو لسیزو کې هم ورته هیڅ پرمختیایي کارونه نه دي شوي،
دغه څرګندونې د یادی ولسوالۍ د کرنیزو خدمتونو مسؤل کروندګرو ته د الوګانو حاصل ټولولو او بسته بندۍ برخه کې د روزنې پرمهال وکړی.
ورته مهال کروندګر د الوګانو د حاصل څخه خوښ دی، او د اسلامی امارت له مشرانو او مرستندویه موسساتو څخه د ساتنې لپاره د سړو خونو او د سبو د تولید لپاره د شنو خونو جوړولو غوښتنه کوي.
د ننګرهار د کرنې ریاست هلې ځلې پیل کړي دي، چې د بزګرانو د روزنې له لارې د کرنيزو محصولاتو د خوڅا کېدو د مخنیوی تر څنګ یادو محصولاتو ته بازار موندنه وکړي.
