لغمان کې د ځنګلونو خوندیتوب په پار هلې ځلې
۲۹ غبرګولی ۱۴۰۲ه.ش
۱ ذیالحِجّة ۱۴۴۴ ه.ق
د لغمان د کرنې، اوبولګولو او مالدارۍ رياست په دې ولایت کې د ځنګلونو خوندیتوب او پراختيا په پار هڅې پیل کړي دي.
په همدې موخه تېره د لغمان دکرنې ریاست د طبیعي سرچینو چارواکو د دې ولایت د علینګار ولسوالی د سالاب درې قومي مشرانو، سپین ګیرو او میشتو قومونو سره د لرګو د پرېکېدو د مخنیوي په پار د ګډه ناسته وکړه.
په جوړه شوی ګډه ناسته کې د لغمان دکرنې ریاست د علینګار ولسوالی سالاب درې مشرانو ته د ځنګلونو د پرېکېدو د مخنیوي او دځنګلولونو د ساتلو، دځنګلونو د اقتصادي ارزښت په ځانګړې توګه د جلغوزیو په ارزښت او د ځنګولونو د بیا احیا په تړاو لازمې لارښوونې وشوې، او ددې ولسوالی له خلکو او چارواکو یې وغوښتل، چې د ځنګلونو د ساتنې او پراختيا په برخه کې له دوی سره مرستې او همکارۍ وکړي.
په همدې حال کې د علینګار ولسوالی د سالاب درې قومي مشرانو په یاده برخه کې د هرډول همکاریو ډاډ څرګند کړل.
