پکتیا کې د مالدارۍ پر پنځو ګروپونو د روغتیا ساتنې کېټونه ووېشل شول

د پکتیا دکرنې، اوبولګولو او مالدارۍ ریاست د افغانستان لپاره د هالنډ کمېټې په همکارۍ ددې ولایت د میرزکې ولسوالی د مالدارۍ پر پنځو ګروپونو چې نږدې ۱۰۰ مالداران په کې شامل د روغتیا ساتنې کېټونه وېشل شوي دي.
د چاراکو په خبره یادو پنځو ټولنو ته له دې وړاندې د حیواناتو د سختو ویروسي او ساري ناروغیو، د روغتیا ساتنې او واکسینونو پلي کولو په هکله د عامه پوهاوي ورکشاپونه ترسره شوي، چې په هر ګروپ یا ټولګي کې ۲۰ مالداران شامل دي.  
د پکتیا ولایت  میرزکې ولسوالی کې د هالنډ کمیټې لخوا د مالدارانو لس ګروپونه جوړ شوې، چې پنځّ ټولګیو ته چې په خلیلانو، جاندل، حجیانو، منځ کلی او ازاد خوړ کلیو کې دي څو اوونۍ وړاندې ورکشاپ دایر شوی و، چې اوس ورته د روغتیا ساتنې کيټونه وویشل شول او پاتې پنځه ګروپونو ته چې په غونځۍ، انډوام، رګ انډوام او کړکین دره  کې دي، په نږدې ورځو کې به د حیواني روغتیا په برخه کې ورکشاپ دایر او یاد کیټونه ووېشل شي.
ددې مرستې موخه د مالدارانو ملاتړ او په ټوله کې په دې ولایت کې د مالدارۍ سکټور ته وده او پراختیا ورکول دي.