اروزګان کې د غنمو د اصلاح شویو تخمونو د کروندو غوره حاصلات
۲۱ غبرګولی ۱۴۰۲ه.ش
۲۲ ذو القعدة ۱۴۴۴ ه.ق
د اروزګان دکرنې، اوبولګولو او مالدارۍ ریاست د ملګرو متلونو د خوړو او کرنې ادارې «FAO» په مالي او د «ANCC» مؤسسې په تخنکي همکارۍ ددې ولایت پر یوشمېر بزګرانو د غنمو اصلاح شوي تخمونه او کیمیاوي سرې وېشلي ؤ، چې د دغو تخمونو د کروندو حاصلات مثبتې ارزول شوي دي.
د چارواکو په خبره د اروزګان دمرکز ترینکوټ په څلور زره او دغه راز ددې ولایت د چورې ولسوالی په دوه زره بزګرانو پر هر یوه بزګر ۵۰ کیلو د غنمو داصلاح شوي تخمونه، ۵۰ کیلو توره او ۵۰ کیلو سپینه سره وېشل شوي ؤ، چې د دوی د کروندو تر ارزونې وروسته د یادو بزګرانو د غنمو حاصلات ډېرې مثتبې ارزول شوي دي.
د اروزګان د کرنې ریاست پلان لري، چې اروزګان کې د بېلابېلو نباتاتو، حبوباتو، سبو او مېوه جاتو د تخمونو د اصلاح، ترویج او تکثیر په برخه کي د خپلو مسلکي کارمندانو په مټ کار وکړي ترڅو له مخې یې د ځمکوالو حاصلات لوړ او د قناعت وړ عاید ترلاسه کړي.
