د ننګرهار چپرهار کې د بڼوالۍ پراختیا په پار هڅې

۱۷ غبرګولی ۱۴۰۲ه‍.ش
۱۸ ذو القعدة ۱۴۴۴ ه‍.ق
د ننګرهار دکرنې، اوبولګولو او مالدارۍ ریاست وایي، چې ددې ولایت چپرهار ولسوالی کې د مختلفو برنامو او موسیساتو له لورې سلګونه جریبه بڼونه جوړ شوي،  چې بڼوال ترې خوښ دي، او د ډیر حاصل ترلاسه کولو هیلي لري .
ددغو  برنامو له ډلې یو هم  CABAR/ROP ده، چې د چپرهار ولسوالی په ۱۲ کلیو کې په سلګونه جریبه ځمکه  د شفتالو،  مالټو،  سرو املوکو، لیمو، لوکاټو او  ناکو بڼونه جوړ کړي دي.
په یادو بڼونو کې پینځه جریبه د ناکو متراکم بڼونه دي،  چي په هر جریب ځمکه کې ۶۶۶ بوټي کېنول شوي،  تمه ده سږ کال به نږدې  ۲۰ ټنه حاصل ورکړي.
د چپرهار ولسوالی د کرنیزو خدمتونو مدیریت دبڼوالو او بزګرانو  سره له نږدې کار کوي او د بڼونو د ښاخه برۍ،  اوبولګولو، ناروغیو کنترول، حاصل ټولولو او ګڼو نورو برخو کې عملي او نظري زده کړې بڼوالو ته ورکوي.