لوګر کې د ځمکې غصب او غصب شویو ځمکو بېرته راګرځولو کمېټې هڅې

۷ غبرګولی ۱۴۰۲ه‍.ش
۸ ذو القعدة ۱۴۴۴ ه‍.ق
لوګر کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې هلې ځلې ګړندي کړي دي.
ددغو هلو ځلو په دوام یاد پلاوی د خروار ولسوالی ولسوال مولوی شېراحمد حبیب، امنیه قومندان او یوشمېر نورو سیمه ییزو چارواکو په ګډون خروار ولسوالی ته د سفر په ترڅ کې له یوشمېر سیمو څخه لیدنه وکړه.
د خروار ولسوالی د کرنې مدیریت مسؤولینو په وینا د یاد سفر څخه موخه املاکي ځمکو غصب څخه مخنیوی او ځایي خلکو ته یې په اړوند د لازمو لارښوونو تر څنګ د ځمکو غصب څخه د مخنیوی او استرداد مرکزی تخنیکی پلاوی د سپارښتنو رسونه ښودل شوې ده.
د خروار ولسوالی مسؤولینو له ټولو میشتو قومونو غوښتی چی په املاکي او غرنیزو ځمکو د نوې کار کولو څخه په کلکه ډډه وکړي.
خروار د لوګر ولایت لرې پرته سرحدي ولسوالی ده، چې له پکتیا او غزني ولایتونو سره ګډه پوله لري،او ډېرې ځمکې یې غرنیزې دي.