د ځمکو لوی ریاست د جیوډیزۍ او کادستر لوی ریاست د څانګو د اغیزمنتیا په پار غونډه

۲۳ غویی ۱۴۰۲ه‍.ش
۲۳ شَوّال المُکَرَّم ۱۴۴۴ ه‍.ق
 دکرنې، اوبولګولو او مالدارۍ د ځمکو د لوی رییس په مشرۍ جوړه شوې غونډه کې، چې د جیوډیزي، کادستر، کارتوګرافي، د ځمکې د معلوماتو سیسټم، فوتوګرامیترۍاو میتادېتا ریاستونو مسوولینو په کې برخه اخیستې وه، دیادو  یاستونو د چارو پر ذغېزمنتیا خبرې اترې وشوې.
په دې غونډه کې د ځمکو  لوی رییس  ملا عبدالرحمن رحماني د یادو ادارو له مسوولینو څخه وغوښتل، چې د خپلو رياستونو په اړه د يو هراړخیز پریزنټیشن په ترڅ کې د خپلو کارونو او فعالیتونو د اغېزمنتيا په موخه د وزارت رهبرۍ ته په خلص ډول معلومات وړاندې کړي. 
نوموړي دغه راز د اړوندو ادارو له مسوولینو څخه وغوښتل، چې د کرنې، اوبولګولو او مالدارۍ وزارت له رهبرۍ سره د خپلو ریاستونو په تېر، اوسني او راتلونکي کې د ترسره شویو مسوولیتونو او کاري فعالیتونو په اړه هم خبرې وکړي.
په پای کې د یادو ریاستونو مسوولینو د ځمکو ادارې له مشرتابه څخه د مننې ترڅنګ د هر ډول همکارۍ ژمنه. کړل.