پکتیا کې یوشمېر مالداران وروزل شول
د پکتیا ولایت د کرنې، اوبولګولو او مالدارۍ ریاست د همکارې برنامې هالنډ کمیټې لخوا د میرزکې ولسوالی ترویج عمومي مدیریت په همغږۍ او همکارې د دې ولسوالی د مالدارانو درې ټولګیو ته د حیواناتو د سختو ویروسي او ساري ناروغیو، د روغتیا ساتنې او واکسینونو پلي کولو په هکله د عامه پوهاي ورکشاپ ترسره شو.
ددې روزنیز پروګرام په لړ کې ۶۰ مالدارانو ته په یادو برخو کې عملي او نظري روزنه وکړل شوي دي.
دا چې د میرزکې ولسوالی کې د هالنډ کمیټې لخوا د مالدارانو لس ګروپونه جوړ شوي، پاتې اوه ۷ ګروپونو ته به هم په نږدې ورځو کې د حیواني روغتیا په برخه کې ورکشاپونه دایر شي.
همدا رنګه د میرزکې ولسوالی کې د یو خصوصي حیواني وترنر ډاکتر لپاره چې د هالنډ کمیټې لخوا روزل کېږي، د یو باب کلینیک جوړولو چارې پیل شوې، چې ډیر ژر به ګټې اخیستنې ته وسپارل شي.
