ننګرهار کې د ځمکې غصب او غصب شویو ځمکو د بېرته راګرځولو تخنیکي پلاوي غونډه

۱۸ غویی ۱۴۰۲ه‍.ش
۱۸ شَوّال المُکَرَّم ۱۴۴۴ ه‍.ق
 د ننګرهار ولایت د امارتي (سلطانې) مرعي او وقفي ځمکو د غصب څخه د بېرته راګرځولو تخنيکي پلاوي غړو د ننګرهار دکرنې، اوبولګولو او مالدارۍ رییس مولوی عبدالستار محمد  په مشرۍ غونډه ترسره کړه. 
په دې غونډه کې په تېرو موضوعاتو د خبرو اترو ترڅنګ، د برېښنا ریاست اړوند د درونټې سیمه کې د جوړو شویو دوکانونو او د ولسوالیو ولسونو لخوا شویو عاریضو باندې هم بحث او د نظرونو تبادله وشو.
وروسته د اماراتي (سلطانې) مرعي او وقفي ځمکو د غصب څخه د بېرته راګرځولو تخنيکې پلاوی مشرتابه غونډه کې په امارتي ادارو غږ وکړ چې د تخنیکي پلاوی سره د امارتي غصب شویو ځمکو په تثبیت او استرداد کې پوره همکارې وکړي، او غاصبین په ګوته او تخنیکي پلاوی ته يې د اصولي کړنو په موخه ورپېژنې.