پکتيا کې پر ۲۵۰۰ بزګرانو د کرنيزو وسائلو د ويش لړۍ پيل شوه
۱۶ غویی ۱۴۰۲ه.ش
۱۵ شَوّال المُکَرَّم ۱۴۴۴ ه.ق
د افغانستان لپاره د ناروي کميټې (NAC) له لورې د پکتیا ولایت مرکز ګردیز، وزه ځدراڼ، زرمت، احمد اباد او سيدکرم ولسوالیو پر ۲۵۰۰ بزګرانو د کرنيزو وسائلو د ويش لړۍ پيل شوه.
د افغانستان لپاره د ناروي کميټې مسوولينو په وینا، په دغه لړۍ کې هر بزګر ته اوه ډوله لومړني کرنيز وسايل ويشي.
او د ياد شمېر اړمنو سبزي کارانو او بڼوالو سروي مخکې د کرنې ریاست په همکاری تریره شوی وه.
د پکتيا کرنې رياست د بڼوالۍ برخې مسوول انجنير سنګرمل جلالي بزګرانو ته د يادو توکو د کارونې په اړه لازمې لارښوونې وکړي او په پای کې يې د کرنې په برخه کې د NAC مؤسسې له کړنو او فعاليتونو څخه د مننې ترڅنګ د دايمي همکاريو غوښتنه وشوه.
