د ننګرهار کانال رياست درېیم فارم کې د لمر ګلې حاصلات ډېرېږی
١٤ غویی ۱۴۰۲ه.ش
١٤ شَوّال المُکَرَّم ۱۴۴۴ ه.ق
د ننګرهار د کانال ریاست چارواکي وایي، چې ددې ریاست په درېيم فارم کې د لمرګلې (لمرپرست ) حاصلات ډېرېږي.
لمر ګل، چې په پښتوکې ورته لمرپرست ،لمر مخی، ټاپراس یې بولي. د ننګرهارکانال شرکت په درېيم فارم کې په ۴۰ جریبه ځمکه کرل شوی، تمه ده چې د ننګرهارکانال د نورو فارمونو پشان به دا کښت شوی لمرګلي ښه حاصل ورکړي.
د ویلو ده چې د ننګرهارکانال شرکت د څلورګونو فارمونو ټولې ځمکې د اګرونومیکي ځانګړنې او اقلیمي شرایطو له مخې په کال کې د درېو فصلونو د کښت وړتیا لري، چې د زیتون او سټروسو سربېره، غنم، شولې، ګني، جوار، خټکي، هندواڼي، حبوبات او نورو صنعتي نباتاتو کر کېلې ته مساعده ده.
