د څارویو د څېړنې رییس:د بنيحصارڅېړنیز فارم کرنیزه ځمکه باید کښت ته اماده شي
۹ غویی ۱۴۰۲ه.ش
۹ شَوّال المُکَرَّم ۱۴۴۴ ه.ق
دکرنې، اوبولګولو او مالدارۍ وزارت د څارویو څېړنې رییس انجنیر عبدالولي احمدزی په داسې حال کې، چې د حیواني تغذیې آمر غلام دستګیر، د حیواني محصولاتو د کیفیت آمر محمدرحیم میرزاد، د بنيحصارڅېړنیز فارم عمومي مدیر بنورجان زاهد، دریشخورو دڅیړنیز فارم عمومي مدیر لطف الله نیکمل او د دې فارم کارکوونکي یې ملتیا کوله دبنیحصار څیړنیزفارم ځمکې چې له پخوا نه تر اوسه په کې کښت نه وو شوی او د هغه دصالح الزراعت کولو په هڅه افتتاح کړله.
ددې افتتاح په ترڅ کې دکرنې وزارت د څارویو څېړنې رییس انجنیر عبدالولي احمدزی وویل: " دبنيحصارڅېړنیز فارم یوه ملي شتمني ده، باید، ددې فارم د پراختیا، پرمختګ او ساتنې په پار باید جدي پاملرنه او هڅي ګړندي کړو."
ښاغلی احمدزی دغه راز د فارم عواید او کرنیزو محصولاتو زیاتوالی او دمصارفاتو د کمیدو لپاره وویل:" موږ غواړو چې د څارویو دتغذیې لپاره هغه شاړې ځمکې چې د ډېرې مودې را پدې خوا همداسې پاتې دي هغه آبادې کړو ترڅو دفارم په مصارفاتو کې کموالی منځ ته راشي ترڅو بني حصار څیړنیز فارم د تغذیې په برخه کې تقریباً خودکفایی ته نږدې شي"
انجنیر عبدالولي احمدزی دغه راز وویل، که د فارم ټولې ځمکې په بشپړه توګه دکرنې لپاره آماده شي له یوطرفه به زموږ هېوادوالو ته د کار زمینه برابره شي او له بل خوا به زموږ د فارم د څارویو د تغذیې مشکل پرې حل شي.
