خوست کې د ځنګلونو خوندیتوب په پار هلې ځلې
۷ غویی ۱۴۰۲ه.ش
۷ شَوّال المُکَرَّم ۱۴۴۴ ه.ق
د خوست د کرنې، اوبولګولو او مالدارۍ رياست په دې ولایت کې د ځنګلونو خوندیتوب او پراختيا په پار هڅې پیل کړي دي.
په همدې موخه د خوست د کرنې رییس مولوی محمد زمان عمري ددې ولايت صبریو او یعقوبیو ولسوالۍ ته د سفر په ترڅ کې دیادو ولسوالیو له چارواکو سره د ځنګلونو د خوندیتوب او پراختيا په پار خبرې وکړې.
د خوست د کرنې رییس د یادو ولسوالیو له خلکو او چارواکو وغوښتل،چې د ځنګلونو د ساتنې او پراختيا په برخه کې له دوی سره مرستې او همکارۍ وکړي.
په همدې حال کې، د صبریو او یعقوبیو ولسوالۍ قومي مشرانو د هرراز همکاریو ډاډ څرګند ګړل.
