پکتیا کې د ځمکې غصب او غصب شویو ځمکو بېرته راګرځولو پلاوي غونډه
۲۹ وری ۱۴۰۲ه.ش
۲۷ رَمَضانُ المُبارَک ۱۴۴۴ ه.ق
د پکتیا ولایت د ځمکې غصب مخنیوي او غصب شویو ځمکو د تشخیص او تثبیت پلاوي پنځه ویشتمه کاري غونډه د یاد ولایت څارنوالۍ ریاست کی جوړه شوه، چې پکې د غصب د مخنیوی او غصب شویو ځمکو د تشخیص او تثبیت تخنیکي پلاوي غړو ګډون درلود.
یاده غونډه چې د پکتیا ولایت څارنوالۍ ریاست کې دایره شوه د یاد تخنیکي پلاوي غړو په جوړه شوې ناسته کې په خپل وار سره د تېرې اونوۍ د ترسره شوو چارو اړوند راپورنه وړاندې کړل او د راتلونکی اوونۍ لپاره یې په پلان شوې عملي طرحه خپل نظرونه او مشورې د غونډې ګډونوالو سره شریک کړل.
دغه راز په دې غونډه کې د ملا یارمحمد، محمد انور او مولوي خالد ته استعلامونه ورکړل شي، دپړاو سمې موضوع د ولایت مقام ادارې غونډې ته وړاندی شي، د حاجي غلام دستګیر ( کلنګی ) سیمی ته د اختر نه وروسته ګډ پلاوی لاړ شي، د ګورجی سیمې اسنادو په مورد د اراضي آمریت نه د مالیې تکت وغوښتل شي.
