بغلان کې د ملخانو پر وړاندې د مبارزې کمپاين پیل شوی

٢٦ وری ۱۴۰۲ه‍.ش
٢٤ رَمَضانُ المُبارَک ۱۴۴۴ ه‍.ق
د بغلان ولايت د کرنې، اوبولګولو او مالدارۍ رياست مشر قاري محراب الدین بلال په سپارښتنه او د یاد ریاست د بوټو ساتنې لوی مديريت مدیر شریف الله ''حازم'' او ور سره د یاد مدیریت کارکوونکو لخوا ددې ولايت د مرکزي بغلان، دهنه غوري او پلخمري ولسوالیوکې د مراکشي ملخانو د مخنيوي او ددغه آفت د معلومولو سروې او پر وړاندې یې کمپاين پیل شوی، چې تر دې دمه د يادې ولسوالی(د بایسقال، کلیو پراختیا دښته، کوچني او لوی لایقو، خرخور، عظیم شور، آبقول او نورې سیمې يې سروې د ملخانو له شتون څخه يې پاکې کړي دي.
د چارواکو په خبره دغه سروې په نورو ولسوالیو کې هم تر سره کېږي. 
همدارنګه یاد ریاست د بوټو ساتنې لوی مديريت مسئول او کارکوونکو د ا.ا.ا د کرنې، اوبولګولو او مالداری وزارت او بغلان ولایت مقام په مرسته هلې ځلې کوي تر څو پر وخت سره د طبيعي افتونو او مراکشي ملخانو د راتګ مخنیوی وکړي او له دې لارې د راتلونکو ګواښونو کچه ټیټه کړي.