د ننګرهار حصارک کې سل جريبه امارتي ځمکه تثبيت شوه
٢٦ وری ۱۴۰۲ه.ش
٢٤ رَمَضانُ المُبارَک ۱۴۴۴ ه.ق
د ننګرهار د کرنې، اوبولګولو او مالدارۍ رياست وایي، چې ددې ولایت د امارتي، سلطاني، مرعي او وقفي ځمکو د غصب څخه د بېرته راګرځولو تخنیکې پلاوی د مشرتابه په لارښونه د حصارک ولسوالی د اراضي، کرنې عشر زکات مسؤلینو د ولسوالی د امنیه قومندان په مشري د یاد ولسوالی د یکه خک سیمه کې سل جریبه غصب شوي امارتي ځمکه چې د ځايي اوسیدونکو لخوا غصب شوې وه، د ودانیزو چارو او د غصب مخنیوي یې وشو.
د حصارک ولسوالی مسولین وایي، چې د امارتی ځمکو د غصب د مخنیوي او بېرته راګرځولو په اړه د امیرالمؤمنین حفظ الله د فرمان په پلي کولو کې ژمن دي او هیچاته به اجازه ورنکړي چې، امارتي ځمکې غصب کړي.
همداراز د حصارک ولسوالی د کرنې او عشر زکات مسؤلینو زیاته کړه، چې لس تنه ځنګل پرې کوونکې یې هم نیولي او ددغه ولسوالی د امنېه قومندانۍ ته سپارلي دي.
