د ننګرهار کانال رياست کې د مالدارۍ دوه فارمونه رغول کېږي
٢٦ وری ۱۴۰۲ه.ش
٢٤ رَمَضانُ المُبارَک ۱۴۴۴ ه.ق
د ننګرهار کانال رياست چارواکي وایي، چې ددې کانال اړوند د مالدارۍ دوه ویجاړ شوي فارمونه بیا ځلې په عصري او مجهزه بڼه فعالوي.
د چارواکو په خبره، د غازي آباد فارم چې ټول مساحت یې (۳۰۶۳،۹) هکټاره دی؛ شپږ بلاکونه، ستروسود بسته بندۍ دستګاه، کلکسیون بڼ، مالدارۍ فارم، قوریه، تخنیک، کلوپ، رستورانت، لېسه، کوچنیانو تفریحي پارک،سیمنا، پنځلس بسترېز روغتون او د اماکنو مدیریت چې د ۸۸۹ کورنیو د استوګنې وړتیا یې درلوده، شتون درلود، خو په خواشینۍ سره چې څه دپاسه څلوېښتو کلونو جګړو له امله یې ډیری برخې ویجاړې شوې دي، له نېکه مرغه اوس يې بیا ابادۍ ته ننګرهارکانال ریاست مټې رانغاړلي دي .
ددې پروژې په بشپړېدو سره به د مالدارۍ محصولاتو د زیاتوالي ترڅنګ یوشمېر کسانو ته د کار زمينه هم برابره شي.
