د ننګرهار حصارک کې د کرنې ریاست اړوند کارکوونکو د کارونو څارنه وشوه
د ننګرهار د کرنې، اوبولګولو او مالدارۍ ریاست مرستیال قاری فضل الرحمن صادق پداسې حال کې چې د کرنیزو خدمتونو امر نعمت الله اکبري يې ملتیا کوله په حصارک ولسوالی کې يې د کرنې ریاست اړوند د کارکوونکو کړنو څخه له نږدي لیدنه وکړه.
د لیدنې پرمهال د حصارک ولسوالی د کرنیز خدمتونو، اراضي، بوټو ساتنې او مالدارۍ مدیریتونو مسؤلینو لخوا په خپل وار سره د خپلو لاسته راوړنو په اړه هراړخیز معلومات شریک شول.
وروسته د کرنیزو خدمتونو امر د ستونزو اوریدو په موخه په کرونده کې د یو شمېر بزګرانو سره هم ولیدل، او د شته ستونزو د حل په موخه يي ډاډ ورکړ.
