د ننګرهار بټي کوټ کې پر ۱۴۰ کروندګرو کورنيو نغدې مرستې ووېشل شول
د ننګرهار د کرنې، اوبولګولو او مالدارۍ ریاست وايي، چې د ژغورنې نړیوالې کمېټې (IRC) په همکارۍ ددې ولايت د بټي کوټ ولسوالی د کوز سه پایي کلی کې میرمنو ته په کور دننه د کاري فرصتونو برابرولو او کرنیز او مالدارۍ محصولاتو ته د ارزښت ورکولو په موخه د سبو، مېوو او لبنیاتو د پروسس لپاره پر ۱۴۰ کورنيو، درې ميليونه او ۵۰ زره افغانۍ نغدې مرستې وېشلي دي.
ددې مرستې د وېش پر مهال د ننګرهار د کرنې اداری په استازیتوب انجینر عطاءالحق بشري وویل، چې هرې کورنۍ ته د پروسس او نورو اړتياوړ وسایلو اخيستلو په موخه ۲۲۵۰۰ افغانۍ ورکړل شوي دي.
په همدې حال کې له دغو مرستو څخه برخمن شوي کسانرد ژغورنې نړیوالې کمېټې (IRC) څخه د مننې ترڅنک د دې ولسوالي په نورو کلیو کې د ورته پروژو د تطبیق او مرستو د ویعېش غوښتنه وکړه.
د یادونې وړ ده چې، غونډه کې یوه اندازه پروسس شوي محصولات هم نندارې ته اېښودل شوي ول.
