جلال آباد ښار کې د څارويو درمل پلورنځيوڅارنه وشوه
د ننګرهار د کرنې، اوبولګونې او مالدارۍ رياست په لارښوونه د مالدارۍ خدمتونو او څارویو د روغتيا آمريت متخصصینو لخوا جلال آباد ښار کې د څارويو درمل پلورنځيو څخه کنټرول او نظارت ترسره شوه.
د نظارت پر مهال د ننګرهار د مالدارۍ خدمتونو او څارویو روغتیا امر ډاکتر محمد ضمیر بهسودي درمل پلورنکو ته سپارښتنه وکړه، هغه هټیوال چې د کار جوازونه نه لري او یا يې د جوازونو موده ختمه شوې ده، خپل نوی جوازونه د کرنې ریاست څخه تر لاسه کړي، د سرغړونې په صورت کې بیا د شکایت حق نلري.
همداراز ټولو وارداتي شرکتونو ته د درملو ثبت او راجستر چارې بشپړ او فورم محموله او د درملو د توريد شرطپاڼه يا اجازه نامې د ترلاسه کولو سپارښتنې هم وشوې.
