کندهار کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
کندهار کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
دغه غونډه ،چې ممشري یې د کندهار دکرنې رییس مولوی محمود مظلوم پرغاړه، په کې د کندهار د امنیه قومندانۍ مرستیال مولوی محب الله ګرمسیلی، د کندهار ښاروال حاجي نعمت الله حسن، د څارنوالی رییس مولوی غوث الدین ثاقب، د ښارجوړونې رییس مولوی عبدالمتین عاشق، رییس ملا حکمت الله اخند، د کدستر آمر احسان الله الهام، د قضایای امارت آمر مولوی تاج محمد خلیلي او د کار او ټولنیزو چارو ریاست استازی حضور درلود.
د غونډې په پیل کې د تيرې ورځې په ځينو مهمو موضوعاتو باندې مفصلې خبرې وشوې. وروسته د لویې ویالې حریم کې دجوړوشویو دوکانونو اړوند، د چارو د ادارې د مکتوب مطابق د کندهار او زابل ولایتونو د سرحداتو د تعین او وېش اړوند ،هغه امارتي( دولتي) املاک چي د امارت مشرتابه او یا وزیرانو شورا د حکم پر اساس نورو ادارو ته یي د اړتیا پر اساس انتقال صورت نیسي تر هغو به د اعمار چاري نه پيلوي تر څو چي د کرنې او اراضې ریاست د طرزالعمل مطابق یي د انتقال ټول مراحل طی شوی نه وی.د کندهار ښاروالۍ ملکیت چي دوي قطعي مځکه چې یوه یې د دویمې ناحیې اړوند د نورزو شابرج سره موقعیت لري او دویمه قطعه یې په پنځمه ناحیه کې ده موقعیت لري، چې اوس په محکمه کي جریان لري.د محاکمو څخه د راغلو دوسیو اړوند تصمیم نیولو اړوند بحثونه او په ځینو نورو مواردو خبرې وشوې.
په دې غونډه کې دغه راز د راتلونکې کار د پلان پر جوړولو او د چارو د لا ښه پرمختګ په پار نظرونه وړاندې شول.
باید وویل شي، چې د ځمکو د غصب د مخنيوي کميټې تر دې دمه په کندهار ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
