د هلمند دکرنې رییس د العزم ۲۱۵ قول اردو له قومندان سره وکتل
د هلمند ولایت دکرنې، اوبولګولو او مالدارۍ رییس مولوي نظر محمد صدیقي د خپل کار په دفتر کې د العزم ۲۱۵ قول اردو قوماندان الحاج مولوی شراف الدین تقي سره وکتل.
ددې کتنې په ترڅ کې د هلمند دکرنې رییس ښاغلی تقي ته د ادارې اړوندو چارو، د ځمکوالو د ستونزو هوارولو، د کرنې سکتور د ودې او پراختیا او بېلابیلو برخو کې د ترسره شوو او تر لاس لاندې چارو په هکله معلومات ورکړل.
په یاده ناسته کې دواړو لوریو د چارو د ښه همغږۍ په موخه ددې ولایت ځمکوالو، بڼوالو او مالدارانو ته د ښو چوپړونو وړاندې کولو برخه کې یو بل ته د مرستو او همکاریو ډاډ ورکړ.
