لوګر کې د زرغون او پرمختللی هېواد تر عنوان لاندې د نیالګیو اېښودلو کمپاین پیل شو
۲۵ کب ۱۴۰۱ه.ش
۲۳ شَعبان المُعَظّم ۱۴۴۴ ه.ق
د لوګر دکرنې، اوبولګولو او مالدارۍ ریاست وایي، چې ددې ولایت محمد آغې ولسوالی څخه د زرغون او پرمختللی هېواد تر عنوان لاندې د نیالګیو اېښودلو کمپاین پیل شوی دی.
په دې اړه جوړه شوې غونډه کې د لوګر مرستیال والي مولوی عنایت الله شجاع، د کرنې رییس الحاج مولوی سید امین هاشمي، د دومو واحدونو رییسانو، د بشري قواوو د پراختیا ادارې ولایتي مسوول، د محمدآغې ولسوالی چاراکو، قومي مشرانو او د رسنیو استازو ګډون درلود.
ددې کمپاین په ترڅ کې به د لوګر ولایت په بېلابېلو سیمو کې زرګونه نیالګي کېښودل شي.
د غونډې په پیل کې د لوګر دکرنې، اوبولګولو او مالدارۍ رییس الحاج مولوی سید امین هاشمي ګډونوالو ته د ښه راغلاست ترڅنګ له لوګر میشتو ولسونو وغوښتل تر څود نیال کینولو په کمپاین کې ونډه واخلي یو نیال د ځان بل د هېواد د زرغونتیا په پار کینوي.
په همدې حال کې د لوګر مرستیال والي مولوی عنایت الله شجاع دلوګر دکرنې ریاست له هڅو د مننې ترڅنګ د خبرو په لړ کې وویل د هېواد د هر وګړی دا مسؤولیت او وجیبه دی تر څو دخپل هېواد په سمسورتیا کې ونډه واخلي.
باید وویل شي، چې دکرنې وزارت له خوا هر کال د کب په میاشت کې د نیالګيو اېښودلو ملي کمپاین پیلېږي، چې په ترڅ کې یې د هېواد په ۳۴ ولایتونو کې میلیونونه مثمر او غیر مثمر نیالګي اېښودل کېږي. د کرنې، اوبولګولو او مالدارۍ وزارت د طبیعي سرچینو لوی ریاست سږکال هم څه باندې دوه میلیونه نیالګي تولید کړی دی او ترڅنګ یې د قوریه لرونکو ټولنې او مؤسسې هم څه باندې ۳۲ میلیونه نیالګي تولید کړي دي او ټآکل شوې ده، چې په ۱۴۰۲ یم کال کې به کېښودل شي.
