د مالدارۍ څېړنې رییس: ریش خور څېړنیز فارم شاړې ځمکې ابادېږي

دکرنې، اوبولګولو او مالدارۍ وزارت د مالدارۍ څېړنې رییس انجنیر عبدالولي احمدزي په داسې حال کې، چې د حیواني نسلونو د اصلاح آمر انجنیر ذاکر الله حلیمي، د حیواني تغذیې آمر الحاج غلام دستګیر، د حیواني محصولاتو د کیفیت آمر عبدالرحیم میرزاد، د بني‌حصارڅېړنیز فارم عمومي مدیر لطف الله نېکمل او ددې فارم کارکوونکي یې ملتیا کوله د ریش خور څېړنیز فارم له شاړو او هغو ځمکو څخه چې کرکېله په کې نه کېږي لیدنه وکړه.
ددې لیدنې په ترڅ کې دکرنې وزارت د مالدارۍ څېړنې رییس انجنیر عبدالولي احمدزی وویل: « د بني‌حصارڅېړنیز فارم یوه ملي شتمني ده، چې اوموږ ټول باید ددې فارم د پراختیا، حفاظت او ساتنې په پار جدي پاملرنه وکړو.»
ښاغلی احمدزی دغه راز وویل، چې د یاد فارم اړوند د ټولو هغو سیمو چې شاړې دي او کرکېله په کې نه کېږي، د هوارولو چارې پیل شوي دي، چې په ترڅ کې به یې ټولې سیمې ابادې او د فارم د څارویو خوراکي توکي په له همدغو سیمو ترلاسه شي.