خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
۱۰ کب ۱۴۰۱ه.ش
۸ شَعبان المُعَظّم ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
په دې غونډه کې خوست ولايت مرکز اړوند په لکڼو ډنډو، خرڅينو، وريو ډاګ او مستربل سيمه کې په زرګونو جريبه عامه مرعي ځمکه تٿبيت شوه چې د نوموړي ځمکې په مورد به نور معلومات او مشخصات د يوې دوسيې په شکل ترتيب او د بررسي وروسته به د راتلونکو اجرااتو لپاره مرکزي کميسيون ته ولېږل.
باید وویل شي، چې د ځمکو د غصب د مخنيوي کميټې تر دې دمه په خوست ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
