د هلمند مارجې ولسوالی کې پر ۵۰ بزګرانو کیمیاوي سرې ووېشل شوې

۸ کب ۱۴۰۱ه‍.ش
۶ شَعبان المُعَظّم ۱۴۴۴ ه‍.ق
د هلمند ولایت د کرنې، اوبولګولو اومالدارۍ ریاست له خوا  د ډاکار(DACAAR) مؤسسې په مالي همکارۍ د مارجې ولسوالی ٥٠ تنو بزګرو ته چې مخکې ورته د سبو  پسرلني اصلاح شوي تخمونه وېشل شوي وو په تعقیب یې یادو بزګرو ته کیمیاوي سرې هم ووېشل شوې.
د یادو مرستو په لړ کې هر بزګر ته  ٥٠کیلوګرامه سپینه او ٢٥کیلوګرامه توره سره  ووېشل شوه.
د یادو مرستو ترلاسه کولو  پر مهال بزګرو خوښي وښوده، چې د پسرلنیو سبو د تخمونو تر څنګ یې کیمیاوي سرې هم ترلاسه کړې.
په ورته وخت کې د مارجې ولسوالی د کرنیزو خدمتونو مسوول بزګرو ته سپارښتنه وکړه، چې ترلاسه شوي کیمیاوي سرې د خپلو پسرلنیو سبو په کروندو کې وکاروي تر څو د قناعت وړ حاصلات ترلاسه کړي.