د پروان ولایت د غصب د مخنیوي او غصب شوو ځمکو د استرداد تخنیکي ټیم غونډه
۸ کب ۱۴۰۱ه.ش
۶ شَعبان المُعَظّم ۱۴۴۴ ه.ق
د پروان ولایت د غصب د مخنیوي او غصب شوو ځمکو د استرداد تخنیکي ټیم د چارو د لاښه والي د لازمو پرېکړو نیولو اړوند غونډه تر سره کړه.
ياده غونډه چې د پروان ولایت کرنې ریاست کې دائره شوې وه پکې د پروان ولایت دکرنې رییس، او ددې ټیم غړي ګډون درلود.
په پیل کې د پروان دکرنې رییس د پیل وینا وکړه او په هغو ستونزو او مشکلاتو يې رڼا واچوله چې د پروان ولایت د غصب د مخنیوي او غصب شوو ځمکو د استرداد تخنیکي ټیم به ورسره د کار په جریان کې مخامخ کېږي.
په دې غونډه کې دغه راز د یادې کمېټې د چارو د ښه پرمخ وړلو په پار د ۱۴۰۲ یم کال پر پلان او کړن لارې هم خبرې اترې وشوې.
د غونډې په جریان کې د تخنیکي ټیم غړو په نوبتي ډول خپل نظریات شریک کړل او د تخنیکي ټیم د چارو د منظم پرمخ وړلو لپاره ځينې اړين مسایلو اړوند بحث وشو.
