روزګان کې د نیالګیو پلورنځیو مسوولینو ته عامه پوهای ورکړل شو

۲۹ سلواغه ۱۴۰۱ه‍.ش
۲۷ رَجَب المُرَجَّب ۱۴۴۴ ه‍.ق
د روزګان دکرنې، اوبولګولو او مالدارۍ ریاست ددې ولایت په مرکز ترینکوټ کې د نیالګیو پلرنځیو مسوولینو ته د عامه پوهاوی پروګرام په لاره اچولې و.
ددې پروګرام په ترڅ کې د نیالګیو پلورونکو ته سپارښتنه وشوه، چې نیالګي څنګه؟ او په کومو لاروچارو له نورو ولایتونو څخه روزګان ولایت ته ولېږدوي.
د روزګان دکرنې ریاست چارواکو یادو نیالګیو پلورونکو ته وویل: «کوم نیالګي چې تاسو د ګرمو سیمو څخه رالېږدوئ باید د هوا تر بدلېدو پورې ګرم وساتل شي، او کوښښ مو باید دا وي، چې نیالګي او ګلان یخ درڅخه متضرر نه کړي.»
یادو چارواکو وویل، چې نیالګي زموږ د چاپېریال او هوا پاک ساتونکي دي، چې باید ورته پاملرنه ووشي او داسې نیالګي روزګان ته انتقال شي، چې د روزګان اقلیم سره اړخ ولګوي او په دې اقلیم کې وده وشي کړای.