د پکتیکا ولایت د غصب د مخنیوي او غصب شوو ځمکو د بېرته راګرځولو کمېټې ۱۸ غونډه
۲۵ سلواغه ۱۴۰۱ه.ش
۲۳ رَجَب المُرَجَّب ۱۴۴۴ ه.ق
د پکتیکا ولایت د غصب د مخنیوي او غصب شوو ځمکو د استرداد تخنیکي ټیم د چارو د لاښه والي د لازمو پرېکړو نیولو اړوند ۱۸ غونډه تر سره کړه.
ياده غونډه چې د پکتیکا ولایت کرنې ریاست کې دائره شوې وه پکې د پکتیکا ولایت دکرنې رییس مولوی محمداسماعیل شکیب د تخنیکي ټیم رییس، او ددې ټیم یوولس کسیزه غړي ګډون درلود.
په پیل کې د پکتیکا کرنې رییس مولوی محمداسماعیل شکیب د پیل وینا وکړه او په هغو ستونزو او مشکلاتو يې رڼا واچوله چې د پکتیکا ولایت د غصب د مخنیوي او غصب شوو ځمکو د استرداد تخنیکي ټیم به ورسره د کار په جریان کې مخامخ کېږي.
په دې غونډه کې د غونډې ګډونوالو د خپلو کړنو او فعالیتونو راپور د تخنیکي پلاوي مشر ته وړاندې کړل او ترڅنګ یې د تاروخېلو قوم ځمکې، د شرنې بازار د ۱۰۰ قطعې ځمکې او د ډب غاړرې ځمکې په اړه خبرې اترې وشوې او پرېکړه وشوه، چې د یادو ځمکو اسناد ترتیب او کمېسیون ته ولېږل شي.
د غونډې په جریان کې د تخنیکي ټیم غړو په نوبتي ډول خپل نظریات شریک کړل او د تخنیکي ټیم د چارو د منظم پرمخ وړلو لپاره ځينې اړين مسایلو اړوند بحث وشو.
