د خوست د ځمکې غصب مخنیوی او غصب شویو ځمکو دبېرته راګرځولو پلاوی ددې ولایت والي سره وکتل
۳ سلواغه ۱۴۰۱ه.ش
۳۰ جُمادیَ الثّاني ۱۴۴۴ ه.ق
د خوست دکرنې، اوبولګولو او مالدارۍ ریاست چارواکي وایي، چې ددې ولایت د ځمکې غصب مخنیوي او غصب شویو ځمکو د بېرته راګرځولو تخنیکي پلاوی د خوست ولایت والي سره د ده د کار په دفتر کې وکتل.
په دې کتنه کې د یاد پلاوي له خوا د خوست والي ته د ځمکې غصب مخنیوی او غصب شویو ځمکو د بېرته راګرځولو تخنیکي پلاوي د کړنو راپور وړاندې شو.
په همدې حال کې د خوست والي، یاد تخنیکي پلاوي سره د هرراز همکاریو ژمنه وکړه او دوی ته یې لازمې سپارښتنې وکړې.
په دې غونډه کې دغه راز پر بېلابېلو موضوعاتو خبرې اترې وشوې او ګډونوالو خپل نظرونه او وړاندیزونه شریک کړل.
