لوګر کې د یوشمېر رغنیزو پروژو چارې په چټکۍ روانې دي
د لوګر دکرنې، اوبولګولو او مالدارۍ ریاست وایي، چې په دې ولایت کې د یوشمېر رغنیزو پروژو چارې په چټکۍ روانې دي.
د لوګر د کرنې ریاست د طبیعي سرچینو آمر نصیرالدین بهیج او د کرنیزو چارو آمر محمد رفیع ابراهیمی په داسې حال کې، چې د د شهیدانو تپې د پروژې تخنیکي انجنیر ذاهدالله لیوال یې هم ملتیا کوله د شهیدانو تپی د پیسو په بدل کې د کاری پروژو څخه لیدنه وکړه.
په یاده تپه کې ۶۸ تنه کاریګر په کار بوخت دي، چې هر کاریګر ته د کار په بدل کی میاشتۍ ۸۵۰۰ افغانی ورکول کېږي.
دغه پروژې د (HRDA) مؤسسې په مالي لګښت پلي کېږي، چې موخه یې د شهیدانو تپې زرغون کول او خلکو ته کارموندنه ده.
