د کندز علي آباد کې له ۱۰۰۰ مالدارو کورنیو سره مرستې وشوې
۱۲ مرغومې ۱۴۰۱ه.ش
۹ جُمادیَ الثّاني ۱۴۴۴ ه.ق
دکندز دکرنې، اوبولګولو او مالدارۍ ریاست دملګرو ملتونو د خوړو او کرنې ادارې (FAO) په مالي او د (ORD) مؤسسې په تخنیکي همکارۍ ددې ولایت دعلي آباد ولسوالی له ۱۰۰۰ مالدارو کونیو سره د کنجاړو او شوتلو تخمونو مرسته وکړه.
د چارواکو په خبره ددې مرستې په لړ کې هرې کورنۍ ته ۱۵۰ کیلوګرامه کنجاړه او پنځه کیلو د شوتلو تخمونه ورکړل شوي دي.
ددې مرستې موخه په دې ولسوالی کې د مالدارۍ سکټور ته پراختیا ورکول او د بېوزله مالدارانو ملاتړ دی.
