د لوګر محمدآغې کې یوشمېر بزګران وروزل شول
۱۱ مرغومې ۱۴۰۱ه.ش
۸ جُمادیَ الثّاني ۱۴۴۴ ه.ق
د لوګر دکرنې، اوبولګولو او مالدارۍ ریاست د HRDA/WFP پروژې په مالي ملاتړ د لوګر ولایت د محمدآغې ولسوالی د آببازک خوزې بزګرانو ته روزنیز پروګرام په لاره اچولې وه.
په دې روزنیز پروګرام کې بزګرانو ته د جوارو او غنمو د کرکیلي اړوند لکه «د کښت لپاره د ځمکې اماده کول، د کرنې لارې چارې، اوبو لګول، د سرې ورکولو لارې چارې او له کمې ځمې ډېر حاصل اخیستلو» په هکله معلومات وړرکړل شوي دي.
ددې روزنیز پروګرام موخه د بزګرانو وړتیاوې لوړول او له کمې ځمکې څخه ډېر حاصل تر لاسه کول دي.
باید وویل شي، چې یاد روزنیز پروګرام ددې ولایت نورو ولسوالیو او کلیو ته هم غځېږي.
