د لوګر دکرنې ریاست: د پیازو د زېرمتونونو چارې په چټکۍ روانې دي
د لوګر دکرنې، اوبولګولو او مالدارۍ ریاست وایي، چې په دې ولایت کې د پیازو د زېرمتونونو د جوړولو چارې په چټکۍ روانې دي، چې ډېر ژر به ګټې اخیستنې ته سپارل شي.
د لوګر ولایت دکرنې، اوبولګولو او مالدارۍ رییس مولوی سیدامین هاشمي په داسې حال کې چې د لوګر دکرنې ریاست د کرنیزو چارو آمر محمد رفیع ابراهیمي د برکي برک ولسوالی د کرنې مدیر مولوی محمدولي هشام او د تطبیق کوونکو پروژو تخنیکي انجنیر یې هم ملتیا کوله د مرکز او برکي برک ولسوالی اړوند د پیازو زېرمه تونو څخه څارنه وکړه.
د لوګر دکرنې رییس د لیدنې په لړ کې د جوړیدونکو زېرمه تونونو ګټه اخیستونکو ته په خطاب کې وویل، چې د جوړو شویو ذخیره خونوڅخه ښه ساتنه وکړي او ترې سالمه ګټه پورته کړي.
د یادولو وړ ده، چې دغه پروژې د کرنې ریاست له لوري د دولت له بودیجې څخه جوړېږی.
