ننګرهار: د غنمو ننداریزو قطعو جوړولو په موخه په بزګرانو اصلاح شوي تخمونه وویشل شول
۷ لړم ۱۴۰۱ه.ش
۳ ربیعالثانی ۱۴۴۴ ه.ق
د ننګرهار دکرنې، اوبولګولو او مالدارۍ ریاست چارواکي وایي، چې د افغانستان لپاره د سويډن کميټې د کليوالي حکومتوالۍ او معيشيت پياوړتيا پروژي لخوا د یاد ریاست سره په همغږۍ د ننګرهار ولایت په اچین او ګوشتې ولسوالیو کې په ۲۰۰ کروندګرو د غنمو ننداریزو قطعو د جوړولو په موخه اصلاح شوي تخمونه او کیمیاوي سری ووېشل شول.
د یاد دفتر د مسؤلینو په وینا د اچین په ولسوالۍ کې ۱۰۴ تنه بزګرانو او د ګوشتې په ولسوالۍ کې ۹۶ تنه بزګرانو ته چې هر بزګر ته د یو جریب ننداریزې قطعې جوړولو لپاره ۲۵ کیلو د غنمو اصلاح شوي تخمونه، ۲۵ کیلو توره سره او ۵۰ کیلو سپینه سره ووبېشلشول، او ترڅنګ یې دغو کروندګرو ته د کرکیلې اړوند روزنه هم ورکړل شوي دي.
