د ننګرهارکانال ریاست : د کرنې مکانیزه کېدل په موخه کرنیز محصولات لا لوړ کړي 

۲ لړم ۱۴۰۱ه‍.ش
۲۸ ربیع‌الاول ۱۴۴۴ ه‍.ق
دننګرهار کانال ریاست چارواکي وایي، چې  د کانال د شته کرنیزو ماشنونو څخه په ګټې اخستنې سره به ددغه ریاست د ځمکو دغلو، مېوو او سبو کچه به  د تېرو کلونو په پرتله سږ کال ډېره لوړ شي .
د هډې فارم د میکانیزه مدیریت مدیر امان سادات وایي: «که څه هم ننګرهار کانال شپه او ورځ کار او لا زیاتو هڅو ته اړتیا لري او له ښه مرغه ددې ریاست رهبرۍ ورته شپه او ورځ لګیا دې خپلې هڅې کوي، او د ډېره ښه مرغه اوسمهال د کانال په کروندو کې  له کرنیزو ماشینونو او اصلاح شویو تخمونو څخه کار اخیستل د دې لامل شوې چې هر کال ددې ریاست د کرنیزو محصولاتو کچه د لوړوالي لور ته روانه ده» .
هغه زیاته کړه: «د بېلګې په توګه د تېرو کلونو په پرتله د ننګرهارکانال ریاست د زیتونو تېلو اندازه شاوخوا ۱۲۲ زره لیتره ده، د خرماو د مېوې اندازه ۱۸ ټنه ترلاسه شوی تېرکال يې اندازه ۱۳ټنه وه، د مالټو اندازه شاوخوا ۲۰۰۰ ټنه وه او داسې نور چې له برکته يې د دولت خزانې ته په میلونو افغانۍ عواید راټول شوي دي.
د ننګرهارکانال ریاست د میکانیزه مدیریت مدیر امان سادات وايي، دغه مدیریت د کانال ریاست د تاسیس سره سم په ۳۰ جریبه ځمکه هډې فارم کې جوړ دی،  اوسمهال دوی سره په یاد مدیریت کې ۱۹ عرادې بېلابېل ډول ماشینري ده چې پرمټ به يې  زمونږ د ځمکو او باغونو حاصلات به سږ کال لا لوړ شي.