پکتیا کې په ۱۹۰ تنه بزګرانو د هوږې تخم وویشل شو
۲ لړم ۱۴۰۱ه.ش
۲۸ ربیعالاول ۱۴۴۴ ه.ق
د پکتیا د کرنې، اوبولګولو او مالدارۍ ریاست اړوند د اړیکو دفتر لخوا مرکز ګردیز، سیدکرم، ګرده څیړۍ، وزې ځدراڼ، لجه منګل او جاني خیل ولسوالیو ۱۹۰ تنه په شرایطو برابرو بزګرانو ته د هوږې تخم وویشل شول.
د وېش په دغو مراسمو کې چې د پکتیا د کرنې، اوبولګولو او مالدارۍ رییس الحاج عبدالروف سعید، د اړیکو دفتر مسؤل شریف الله ایوبي، د کرنیزو چارو آمر مومند خروټي او یو شمېر بزګرانو ګډون کړی و.
ښاغلي ایوبي وویل، د هوږې دغه تخم ۱۹۰ تنه بزګرانو ته ورکړل شو، چې هر بزګر ته ۲۵ کیلو ګرامه هوږه، ۱۱ کیلو ګرامه سپینه سره، ۱۱ کیلو ګرامه توره سره، یو بیلچه او یو پنجه کش وه وویشل شول.
د پکتیا دکرنې رییس د اړیکو دفتر له کړنو څخه مننه وکړه او وویل چی د هوږې کښت لپاره پکتیا ولایت مناسب اقلیم لري او ښه نتیجه یې ورکړی، موږ هڅه کوو ترڅو د پکتیا بزګرانو ته نوی تکنالوژی او د مختلفو سبو کرکیله ترویج کړو.
